Луис Суарез се чини нема да биде единствената трансфер-бомба во редовите на Атлетико Мадрид. Ако им се верува на шпанските медиуми, дресот на овој тим би можел да го облече и Едисон Кавани, кој е слободен играч.
Неофицијалните информации велат дека челниците на клубот веќе испратиле понуда до искусниот напаѓач од шест милиони евра годишно. Кавани ќе добие договор на една сезона со можност за продолжување на уште една.
Како единствен проблем за реализација на овој трансфер е Диего Коста, Атлетико ќе мора да го продаде за да може да го ангажира Кавани, кој би бил одличен тандем со својот сонародник Суарез.
