Connect with us

Hi, what are you looking for?

Свет

СТУДИЈА: Еве по кој редослед се појавуваат СИМПТОМИТЕ ОД КОРОНАВИРУСОТ

Една нова студија од Универзитетот во Јужна Калифорнија откри дека симптомите на Ковид 19 обично се појавуваат во одреден редослед. Ова може да им помогне на луѓето со Ковид-19 да се изолираат на време и да започнат со третман порано, со што значително ќе се подобрат резултатите на пациентите, но исто така и ќе се намали ширењето на вирусот.

Редоследот на симптомите е важен“, рече Џозеф Ларсен, водечки автор на студијата. „Кога знаат дека секоја болест напредува поинаку, лекарите можат да утврдат порано дали некој има Ковид-19 или некоја друга болест, што може да им помогне да носат одлуки за самиот третман, истакна тој.

За да се предвиди редоследот на симптомите, Ларсен и неговиот тим ги анализирале стапките на појава на симптоми собрани од Светската здравствена организација (СЗО) за над 55.000 потврдени случаи на Ковид-19 во Кина. Тие исто така разгледаа податоци за 1.100 случаи собрани од кинеската група експерти за медицински третман за Ковид-19 помеѓу декември и јануари и обезбедени од кинеската национална комисија за здравство.

Од друга страна, за нив било важно да разликуваат симптоми на грип, па затоа ги анализирале и податоците од над 2.000 случаи на грип снимени во Северна Америка, Европа и јужната хемисфера.

Според наодите од студијата, симптомите на коронавирус се појавуваат по овој редослед: треска, кашлица и болка во мускулите, гадење или повраќање и дијареја.

Студијата открива дека кај пациентите со сезонски грип најверојатно најпрво ќе има кашлица, проследена со треска“, изјави за „Healthline“ д-р Роберт Глетер, лекар од болницата Ленокс Хил во Њујорк.

„Во реалноста, може да биде тешко да се препознае затоа што грипот често започнува нагло и со повеќе симптоми, вклучувајќи болка во грбот, чувство на страв и сува кашлица.

Според студијата, додека грипот обично започнува со кашлица, првиот симптом на Ковид-19 е треска.

Нашите резултати ја поддржуваат идејата дека температурата треба да се измери како метод за верификација пред да влезат во објекти, заклучуваат авторите на студијата.

Сепак, лекарите кои работат со пациенти со Ковид-19 велат дека, според нивното искуство, симптомите не можат да се предвидат толку лесно, во случај на сомневање за болеста, секогаш треба да се консултирате со матичниот лекар за понатамошните чекори и методите на лекување.

најчитани вести

Македонија

Медиа.мк дознава дека уапсените се браќа од Кичево кои важеле за страв и трепет во градот. Се работи за Ариф и Шпенд Алили кои...

Македонија

До редакцијата на медиа.мк пред малку пристигна информација за спектакуларно апсење во Охрид , поточно на бензинската пумпа Окта. Според информациите со кои располагаме...

Македонија

Бледиот и исплашен израз на Претседателот на опозициската ВМРО-ДПМНЕ Христијан Мицкоски кажа повеќе отколку прочитаните редови на однапред приготвените потсетници за најава на „катарзата“...

Македонија

Денес на прес конференција Христијан Мицкоски соопшти дека Воислав Зафировски од политичката партија Интегра преминува во Вмро Дпмне, за почеток како член, но не...