Connect with us

Hi, what are you looking for?

Свет

Фон дер Лајен: Западниот Балкан НЕ Е ЕТАПА НА ПАТОТ НА СВИЛАТА

Во својот годишен говор за состојбата на Европската Унија, претседателката на Европската Комисија, Урсула фон дер Лајен нагласи дека отворањето на преговорите со Северна Македонија и Албанија претставуваат историска одлука, јави дописничката на МИА од Брисел.

Оваа одлука таа ја поврза со односите помеѓу ЕУ и Кина, алудирајќи на патот на свилата, големиот кинески економски проект кој поминува низ балканскиот регион.

-Одлуката за отворање на преговорите со Албанија и Северна Македонија годинава беше историски чекор, иднината на целиот регион припаѓа во ЕУ, делиме иста историја и иста судбина, западниот Балкан е дел од Европа, тие не се етапа на патот на свилата, изјави Урсула фон дер Лајен.

Таа потврди дека во текот на наредните недели Европската Комисија ќе презентира нов пакет за економско закрепнување за целокупниот регион.

Според информациите на МИА се очекува Европската Комисија да одвои околу девет милијарди евра за регионалниот развој на западниот Балкан, пред сѐ во делот на инфраструктурни проекти и поврзување на земјите од регионот меѓу себе.

Извештајот за реформскиот напредок за Северна Македонија и на другите земји од регионот, познат како Пакетот за проширување, треба да биде објавен на 6 октомври, според изворите на МИА во ЕК.

Германското претседателство очекува во ноември земјите членки да дадат зелено светло за одржување на првата меѓувладина конференција со Скопје и Тирана, односно ефективното отворање на првите поглавја на преговорите со ЕУ.

најчитани вести

Македонија

Советничката од ВМРО-ДПМНЕ во Битола, Анита Ангелевска која викендов побара оставка од претседателот на партијата Христијан Мицкоски за „Утрински брифинг“ на Слободен печат појасни...

Балкан

На социјалните мрежи се појави видео од заљубен млад пар, кој според неофицијални информации е направен во една од кино салите во Србија. Момчето...

Забава

Без разлика дали станува збор за ненадејно наследство или способност за препознавање на профитабилен проект, овие знаци се предодредени да имаат пари. БИК Бикот...

Македонија

Христијан Мицкоски минатата недела во тајност заминал од државата и според високи партиски извори отишол на средби во Белград. Од партијата официјално молчат околу...