Connect with us

Hi, what are you looking for?

Свет

Германија НЕМА ШТО ДА ИМ ПРАВИ НА МАСКИТЕ И РЕСПИРАТОРИТЕ

Германските магацини се преполни со складирана медицинска опрема набавена во паника по избувнувањето на пандемијата, и на која се потрошени огромни суми пари, а сега единственото решение е да се донира опремата, пишува Дојче веле, додавајќи дека веќе нема голем интерес на пазарот.

На почетокот на годината, германското федерално Министерство за здравство нарача над 26.000 респиратори и на тој начин имаше за цел да го удвои бројот на кревети за интензивна нега опремени со овие уреди, сепак, постојните капацитети не беа ни приближно исполнети.

Како што е наведено, околу еден месец по избувнувањето на пандемијата, првите приватни клиники целосно ги отстраниле таканаречените ковид станици затоа што не им се исплатеше да ги задржат малиот број на пациенти, а болниците брзо се вратија во редовниот режим со извршување на претходно одложени операции.

Околу 200 респиратори беа донирани на Франција, Италија и Шпанија, а вкупно 334 на Босна и Херцеговина, Косово и Македонија.

Слично е со маските од кои беа распределени 278 милиони, меѓу другото, и на балканските држави.

Според Министерството за здравство, до крајот на следната година во Германија ќе пристигнат уште 4,2 милијарди хируршки маски и 1,7 милијарди филтер маски.

Додека во март и април имаше недостиг на средства за дезинфекција и маски за еднократна употреба, цената на една маска често го надминуваше еврото, а денес тие можат да се најдат насекаде во големи пакувања за околу четириесет центи по парче.

Критичарите го обвинуваат министерот за здравство Јенс Спан за брзото трошење на стотици милиони евра.

Се додава дека одобрението за тој трошок го даде Министерството за финансии без многу размислување, иако во март и април, цените експлодираа поради глобалната побарувачка, пишува Дојче веле.

најчитани вести

Свет

Пред малку нападнат Израел со 5 ракети од терористи од појасот Газа. 2 ракети го погодија Ашкелон, 1 кон Ашдод и 2 кон Тел...

Забава

Кралица на народна музика Лепа Лукиќ одлучила да напише тестамент и целата своја заштеда и имот да ја препише на својот внук Радисав. Сепак има...

Забава

Радмила Манојловиќ се појави на едно случување каде што се сретна со својата колешка Јелена Карлеуша и тој момент го овековечки со  заедничка фотографија....

Балкан

За Јосип Броз беа напишани многу песни, а една од најпознатите „Druže Tito ljubičice bela“, ја чинеше младата новинарка Жена Лебл две и пол години затвор...