Connect with us

Hi, what are you looking for?

Македонија

ДИМОВСКИ: Не се произнесоа за договорот на Србија и Косово, а имаа мислење за Венецуела и Северна Кореја

Ниту една македонска државна институција не се произнесе (да поздрави, поддржи, коментира,…) за потпишаните документи во Вашингтон за прашањето на односите помеѓу Косово и Србија, вели Илија Димовски од ВМРО-ДПМНЕ.

Тој потсети дека нашата држава се произнесе за Венецуела, Северна Кореја, демократијата во Полска, но не и за прашања поврзани со Србија и Косово (две држави наши соседи со кои имаме најразвиена економска соработка и размена).

– Долг е списокот на институции и државни функционери кои треба, можат, или често го правеле тоа, да кажат став и да коментираат ваков чин од висок државен интерес и за Македонија, а сега не го сторија тоа:

– Претседател на РМ;

– Претседател на Собрание на РМ;

– Влада на РМ;

– Претседател на Влада на РМ;

– Министер или Министерство за надворешни работи;

– други министри кои раководат со политички ресори (одбрана, европски,…), но во конкретен случај и економски ресори (транспорт, економија,…), потецнира Димовски.

Тој истакна дека се забележува и дека ниту една поголема и сериозна политичка партија, формално и суштински, не го искоментира овој важен момент од високо значење за регионалната состојба и стабилност на Балканот и во најблиското наше опкружување.

– Што е значајно да се каже за нашата државна позиција:

1. Ова прашање не треба да го гледаме низ призма на сентимент за било која од двете страни, туку исклучиво и единствено низ призма на интересот на Република Македонија и интересот на сите нејзини граѓани;

2. Наш интерес во регионот да има трајна стабилност и предвидливост;

3. Интерес на Република Македонија е да нема решавање на спорови со било каква промена на граници;

4. Наш интерес е да нема воени конфликти на било која од нашите граници заради опасност огнот да се прошири кон нас;

5. Интерес на Република Македонија е да се инвестира во инфраструктура, транспорт, трговија и економија било каде во нашето соседство, затоа што така и ние стануваме конкурентни.

Од тука навистина не ми е јасно зошто ниту една државна институција, функционер и политичка партија не одмери дека е потребно да каже и прокоментира:

Го поздравуваме одговорниот однос и приодот на Република Србија и Република Косово кон меѓусебните односи, а за нас е битно да нема воени и територијални решенија за проблемите на Балканот, ја поддржуваме економска соработка и инфраструктурни инвестиции. Толку. Толку требаше, пишува Илија Димовски на Фејсбук

најчитани вести

Македонија

Медиа.мк дознава дека уапсените се браќа од Кичево кои важеле за страв и трепет во градот. Се работи за Ариф и Шпенд Алили кои...

Македонија

Денес на прес конференција Христијан Мицкоски соопшти дека Воислав Зафировски од политичката партија Интегра преминува во Вмро Дпмне, за почеток како член, но не...

Македонија

Седум непознати портали за пошироката јавност , со скромна посетеност и без соодветен импресум или новинари кои работат во нив, добиле солидна сума од...

Македонија

Бледиот и исплашен израз на Претседателот на опозициската ВМРО-ДПМНЕ Христијан Мицкоски кажа повеќе отколку прочитаните редови на однапред приготвените потсетници за најава на „катарзата“...