Connect with us

Hi, what are you looking for?

Свет

Децата во богатите земји се дебели, не знаат математика и страдаат од ментални нарушувања

Премногу деца во најбогатите земји во светот немаат основно познавање на математика и читање и страдаат од ментални нарушувања и дебелина, објави УНИЦЕФ.

Во извештајот на агенцијата се рангирани 41 членка на Европската Унија и Организацијата за економска соработка и развој (ОЕЦД) според здравјето, вештините и среќата на децата.

Данска, Холандија и Норвешка се на врвот, а Бугарија, Чиле и САД се на дното на списокот со земји со високи примања.

Во повеќето анализирани земји, околу 20 отсто од децата немаат чувство на задоволство, покажува извештајот.

Најлоша е Турција со само 53 отсто од децата задоволни од својот живот, а зад неа се Јапонија и Велика Британија.

Литванија бележи најголем број самоубиства кај адолесцентите, додека Нов Зеланд и Естонија се на второто и третото место.

Во однос на физичкото здравје, секое трето дете е дебело или со прекумерна тежина, а овие стапки нагло се зголемуваат во Јужна Европа. Околу 40 отсто од децата на возраст под 15 години во богатите земји немаат основни вештини за математика и читање, повеќето во Бугарија, Романија и во Чиле, соопшти агенцијата.

Извештајот се заснова на податоци од пред пандемијата на коронавирусот, а УНИЦЕФ предупредува дека здравствената криза е дополнителна закана за благосостојбата на децата.

– Многу од најбогатите земји во светот, кои имаат ресурси да обезбедат среќно детство за секого, ги изневерија своите деца – рече директорката на УНИЦЕФ, Гунила Олсон.

– Доколку владите не преземат итни и одлучни мерки за заштита на благосостојбата на децата како дел од одговорот на пандемијата, можеме да очекуваме зголемување на сиромаштијата, посиромашно физичко и ментално здравје и понатамошно влошување на вештините на децата – рече таа.

најчитани вести

Македонија

Советничката од ВМРО-ДПМНЕ во Битола, Анита Ангелевска која викендов побара оставка од претседателот на партијата Христијан Мицкоски за „Утрински брифинг“ на Слободен печат појасни...

Балкан

На социјалните мрежи се појави видео од заљубен млад пар, кој според неофицијални информации е направен во една од кино салите во Србија. Момчето...

Забава

Без разлика дали станува збор за ненадејно наследство или способност за препознавање на профитабилен проект, овие знаци се предодредени да имаат пари. БИК Бикот...

Македонија

Христијан Мицкоски минатата недела во тајност заминал од државата и според високи партиски извори отишол на средби во Белград. Од партијата официјално молчат околу...