Connect with us

Hi, what are you looking for?

Балкан

КАКВА Е УЛОГАТА НА ИЗРАЕЛ ВО ДОГОВОРОТ помеѓу САД и Србија

Договорот, потпишан во Белата куќа меѓу Србија и САД, е од витално значење за Србија и целиот регион. Српската страна смета дека овој договор ќе придонесе за стабилизација, напредок и благосостојба на целиот регион и ќе им овозможи на сите мирен сон и сигурна иднина.

За прв пат од распадот на СФРЈ, претседателот на Србија, Александар Вучиќ, успеа да ја обнови врската помеѓу Србија и САД со паметна и мудра политика.

Оваа вест е одлична бидејќи до неодамна постоеше висок степен на недоразбирање и бројни меѓусебни проблеми со најсилната и најмоќната земја во светот.

Политичкиот коментатор и новинар, Милован Јовановиќ, за „Ало.рс“ изјави дека споменатиот договор има исклучителна вредност за Србија.

– Овој договор е голема дипломатска победа за Србија – вели новинарот и додава дека некои земји од Европската унија ќе сторат се за да и наштетат на Србија и нејзиниот претседател затоа што не сакаат мир и стабилност во регионот и Србија да биде локомотива на Западен Балкан.

Улогата на Израел

Милован Јовановиќ го презентираше својот став по повод преместувањето на српската амбасада во Ерусалим.

– Одлуката за преместување на амбасадата во Ерусалим е една од најважните надворешно-политички одлуки што ги донесе Србија во последните десет години. Ова беше многу тежок, храбар и ризичен потег затоа што освен во САД, само Гватемала ја премести амбасадата во Ерусалим. Србија со тоа ќе стане првата европска земја што има амбасада во Ерусалим – посочува Јовановиќ.

Тој додава дека Србија сега гради силни врски со САД и Израел.

– Минатата година Унгарија отвори официјална трговска мисија со дипломатски статус во Ерусалим, но сè уште не ја поместила амбасадата. Оваа одлука на Вучиќ е многу важна затоа што дополнително ја приближува Србија кон САД, но и кон Израел, како еден од најважните актери во меѓународните односи. За Трамп и неговата администрација, ова беше особено важно надворешно-политичко прашање затоа што Израел и САД имаат особено блиски односи што во голема мера го одредуваат правецот на американската политика – вели новинарот и политички коментатор Милован Јовановиќ.

Тој вели дека, сепак, мора да се знае дека споменатата одлука нема да им се допадне на сите.

– Треба да се биде реален и да се знае дека оваа одлука нема да ја сакаат многу муслимански земји, пред се Иран и Турција. Исто така, оваа одлука е многу веројатно да создаде тензии во односите со ЕУ, која се спротивставува на таквата политика на Трамп. Сепак, кога сè ќе се разгледа, многу е поважно за интересите на нашата земја да има поблиски односи со САД најсилната и најмоќната земја во светот. Најважно за Србија е што претседателот Вучиќ со својот голем напор и работа успеа да ја убеди администрацијата на Трамп да ја смени позицијата на САД по прашањето за Косово – заклучува соговорникот.

најчитани вести

Свет

Пред малку нападнат Израел со 5 ракети од терористи од појасот Газа. 2 ракети го погодија Ашкелон, 1 кон Ашдод и 2 кон Тел...

Забава

Кралица на народна музика Лепа Лукиќ одлучила да напише тестамент и целата своја заштеда и имот да ја препише на својот внук Радисав. Сепак има...

Забава

Радмила Манојловиќ се појави на едно случување каде што се сретна со својата колешка Јелена Карлеуша и тој момент го овековечки со  заедничка фотографија....

Балкан

За Јосип Броз беа напишани многу песни, а една од најпознатите „Druže Tito ljubičice bela“, ја чинеше младата новинарка Жена Лебл две и пол години затвор...