Connect with us

Hi, what are you looking for?

Балкан

КРИВИЧНА ПРОТИВ МИЛО ЃУКАНОВИЌ: Повикувал на насилна промена на уставниот поредок

Црногорскиот бизнисмен Душко Кнежевиќ поднесе кривична пријава против црногорскиот претседател Мило Ѓукановиќ, обвинувајќи го за сторено кривично дело повикување на насилна промена на уставниот поредок.

Во изјавата на неговиот адвокат Здравко Ѓукановиќ се вели дека Мило Ѓjукановиќ, во периодот од 30 август до 4 септември, постојано повикувал на сила да се менуваат резултатите од парламентарните избори, иако, како што додаде, тој декларативно го признал поразот на ДПС на изборите, пренесува Подгорица вести.

Како што е објаснето, ова е сторено  така што со загрозување на уставниот поредок насилно ќе се онеспособат политичките партии кои го обезбедија парламентарното мнозинство на парламентарните избори, а тоа се коалициите „За иднината на Црна Гора “,„ Мирот е нашата нација“ и „Црно-бело“ да формираат влада во согласност со законот и резултатите од изборите.

И така, како што се наведува, на состанокот на највисоките функционери на ДПС на 1 септември, со кој претседавал Ѓукановиќ, направени се тактики за обид за дестабилизација на политичката состојба во Црна Гора како и иницирал усвојување заклучоци, усвоени на состанокот.

Белградскиот адвокат ги избројал наводните заклучоци од тој состанок, велејќи дека планираат да предизвикаат што е можно повеќе инциденти, користејќи ги симболите на Србија, како и четнички и руски знамиња, а особено да се провоцираат малцинства, Албанци, Бошњаци и Хрвати, невладини и граѓански активисти …

Меѓу заклучоците што тој ги наведува се „ширење паника меѓу членовите на ДПС со вести за реваншизам и разрешувања, со цел да се избегнат таканаречените „прелети“, да се информира канцеларијата на ЕУ во Подгорица, односно амбасадорот Квинто, за сите инциденти, и дека пожелно е да се испратат што е можно повеќе фотографии и видеа, каде што може да се видат руски и српски симболи, како и примери за уништување на европски, евро-атлантски симболи, како и симболи на соседните земји Хрватска и Албанија.

Според изјавата, Ѓукановиќ, по завршувањето на тој состанок – во повеќе наврати, преку задолжените  членови на ДПС и преку социјалните мрежи, го повикал членството на ДПС на собирот закажан за 6 септември во Подгорица.

– Со очигледна намера да се претвори во насилен протест, а како собир е закажан под слоганот:„Ако Подгорица треба да гори, ќе гори! Ако треба да се сруши Подгорица, има да се сруши, но Србите нема да ги кројат нашите судбини, сите во Подгорица, бунтот е подготвен, Црногорци нашите предци се бореа со многу помалку сила против непријателот, па го победија, на 6 септември сите во Подгорица „Црна Гора ве повикува, нема изговори“, се додава во соопштението.

Во соопштението се бара полицијата, користејќи посебни истражни методи, да го утврди идентитетот на лицата кои учествувале во спроведувањето заклучоци и акти на насилство преку социјалните мрежи и директно на теренот или на други начини, односно да се утврди идентитетот на лицата кои постапувале по заклучоците од состанокот на ДПС од 1 септември, со кој претседавал Мило Ѓукановиќ.

Исто така, се бара во случај на утврдување на кривична одговорност, да се покрене постапка против тие лица, сè со цел да се утврдат сите важни околности што се релевантни за опишаното кривично дело.

– Очекуваме дека, во согласност со законот, ќе се спроведе кривична постапка против претседателот на Црна Гора, Мило Ѓукановиќ“, се наведува во изјавата на адвокатот Здравко Ѓукановиќ.

најчитани вести

Македонија

Медиа.мк дознава дека уапсените се браќа од Кичево кои важеле за страв и трепет во градот. Се работи за Ариф и Шпенд Алили кои...

Македонија

Денес на прес конференција Христијан Мицкоски соопшти дека Воислав Зафировски од политичката партија Интегра преминува во Вмро Дпмне, за почеток како член, но не...

Македонија

Седум непознати портали за пошироката јавност , со скромна посетеност и без соодветен импресум или новинари кои работат во нив, добиле солидна сума од...

Македонија

Бледиот и исплашен израз на Претседателот на опозициската ВМРО-ДПМНЕ Христијан Мицкоски кажа повеќе отколку прочитаните редови на однапред приготвените потсетници за најава на „катарзата“...