Додека земјите ширум светот се соочуваат со нагло растење на бројот на заболени од корона вирусот, многу медицински експерти со месеци ги проучуваат пациентите кои го прележале Ковид-19 за да дознаат како го напаѓа телото. Истражување од Ерусалим открило нешто што сите треба да го знаеме: 50% од пациентите со ковид доживуваат општа слабост по борбата против вирусот, без оглед дали станува збор за потешка или поблага клиничка слика.
„Најмалку половина од пациентите на Ковид-19 сè уште страдаат од општа слабост и отежнато дишење со недели и, можеби, месеци по закрепнувањето, според првичните резултати од израелската студија“.
Пулмоналниот институт во Медицинскиот центар во Ерусалим ги објави своите откритија во неделата, а кои се однесуваат на десетина пациенти кои го прележале вирусот, од блага до умерена и сериозна состојба. Околу 50% од нив имале ист симптом – општа слабост по закрепнувањето, што не е поврзано со сериозноста на болеста.
Покрај тоа, истражувањето открило дека пациентите со поблага клиничка слика може да имаат долгорочно оштетување на белите дробови, додека оние кои се во сериозна состојба не мора да пријавуваат слични тешкотии.
„Меѓу симптомите што ги испитавме, откривме општа слабост кај повеќето пациенти, кашлица и/или отежнато дишење, фиброза/пулмонална емболија, опструкција и сомнителна пулмонална хипертензија“, изјавил професорот Габриел Избицки, директор на пулмоналниот институт, кој ја започна студијата.
Истражувањето и понатаму продолжува
– Благодарни сме на сите пациенти со Ковид-19 со седиште во Израел, кои биле лекувани и пуштени или во болница или во хотелот „корона вирус“ за да учествуваат во студијата – истакнал Избицки.
