Connect with us

Hi, what are you looking for?

Македонија

Високи актуелни и бивши функционери побараа оставка од Мицкоски и Вонреден Конгрес!

Дел од звучните имиња кои се појавија на прес конференцијата се Марина Кавракова, претседател на Унија на жени на ГК Скопје на ВМРО-ДПМНЕ, екс-градоначалникот на Аеродром Ивица Конески, доскорешната пратеничка Весна Дамчевска Илиевска, актуелниот градоначалник на ВМРО-ДПМНЕ во Илинден Жика Стојановски, екс градоначалникот на Бутел Петре Латиновски, екс градоначалникот на Дорјан Борче СтамовЛука Кржаловски од Унијата на млади сили, поранешниот заменик министер Сашо Лазаревски, како и Филип Петровски, поранешен претседател на УМС и пратеник на ВМРО-ДПМНЕ.Според нашите информации голем дел од делегатите се вклучени во инцијативата за вонреден Конгрес.

Интегралниот текст од иницијатива:

Почитувани,

ВМРО -ДПМНЕ е победничка партија.

ВМРО -ДПМНЕ има и сила и знаење и капацитет да ја врати довербата на граѓаните, затоа што граѓаните знаат дека ВМРО-ДПМНЕ е бастионот кој секогаш бил на браникот на државните интереси.

ВМРО -ДПМНЕ има кадри и потенцијал кој може да понуди алтернатива и да го запре економскиот пустош кој три години ја коси Македонија.

Старо-новата коалиција на Зоран Заев не е никаква гаранција дека граѓаните ќе живеат подобро. Напротив, оваа власт ниту може подобро, ниту знае подобро.

За жал, на оваа власт некој и овозможи таков луксуз да победи и да формира Влада.

Тука не мислиме на оние 327 000 наши сограѓани кои гласаа за Зоран Заев. Тие не се виновни. Не се виновни ниту оние стотици илјади кои останаа дома и одлучија да апстинираат.

Виновен е оној што можеше, требаше и мораше да понуди сериозни, препознатливи политики кои ќе ги сплотат и привлечат граѓаните.

Виновен е тој што не ги искористи капацитетите на партијата и форсираше поделби наместо да ги обедини силите.

Виновен е тој што не успеа да изгради и да заземе цврст став по ниту едно прашање.

Одговорност за неуспесите мора да има !

Кога еден тим губи, не може да биде одговорна публиката, играчите кои биле оставени на клупа или домарот кој се грижи за соблекувалните.

Одговорен е тој што го води тимот, а тимот на ВМРО -ДПМНЕ го водеше Христијан Мицкоски и неговите најблиски соработници.

ВМРО -ДПМНЕ со Мицковски како Претседател ги загуби Претседателските избори одржани во 2019 година, а ги загуби и локалните избори во Охрид и Ново Село. Ги загуби, а наместо одговорност бевме сведоци на апсурдни оправдувања, несериозност и неработење.

ВМРО -ДПМНЕ со Мицковски како Претседател и кандидат за Премиер на овие избори излезе со програма и кандидати за пратеници кои не успеаја да обезбедат поддршка од граѓаните. Кадрите на Мицковски и во техничката влада не успеаја да се наметнат како лица кои на граѓаните ќе им покажат нов и различен начин на водење на институциите и ќе одговорат на предизвиците со кои беа соочени.

Вината повторно може да се префрла, но вистината е една. Вистината е дека е најодговорен тој што го состави тимот, а тоа е Христијан Мицковски.

најчитани вести

Македонија

Почна седницата на Советот за безбедност на Република Северна Македонија во претседателската „Вила Водно“, на која ќе се расправа за актуелната состојба со пандемијата...

Македонија

Пред малку до медиа.мк стигна информација дека е запалено возило во близина на Олимпико во Скопје. На терен е присутна полицијата која го преусмерува...

Македонија

Претседателот на ВМРО-ДПМНЕ побара влада на широка коалиција, нo досега јавно не соопшти како според него може да се надмине проблемот со Бугарија. Партиските...

Македонија

Претседателот на ВМРО-ДПМНЕ, Христијан Мицкоски се пожали на Фејсбук дека му го откажале интервјуто на Телма, обвинувајќи за цензура како за време на комунистичките...